ஒரு இலையை பார்க்கிறேன். என்னுள் என்ன எண்ணங்கள்.உதயமாகின்றன?

எண்ணங்கள் உதயமானவுடன் இலையுடன் எஎன்னென்ன ன் செயல்பாடுகள் எப்படி மாறுபடுகிறது?

என் செயல்பாடுகளின் ஆதாரம் நான் பார்க்கும் இலையின் மீதிலிருந்தா அல்லது என் எண்ணம் என் மீது ஏற்படுத்திய தாக்கத்திலிருந்தா ?

நான் ஒருவரை பார்க்கும் பொழுது என்னென்ன எண்ணங்கள் , உணர்வுகள் தூண்டப்படுகின்றன ?

அப்படி தூண்டப்பட்ட பின் , நான் அவருடன் பேசும்பொழுது அவருடன் பேசுகின்றேனா - இல்லை அவர் என் மீது ஏற்படுத்திய தாக்கத்தின் பிரதிபலிப்புகளுடன் பேசுகின்றேனா ?

என் எண்ணங்கள், உணர்வுகளின் ஆரம்பம் மற்றும் மூலம் பழைய பதிவுகளில் இருந்து ஏற்படும் பொழுது நான் புதியதை உருவாக்குகின்றேனா இல்லை என்னுடைய பழைய வாழ்க்கையை மீண்டும் மீண்டும் ஒருவாக்குகின்றேனா ?

நான் பார்க்கிறேன் கேட்கிறேன் என்றால் என் முன் என்ன இருக்கிறதோ அதை மட்டுமல்லவா பார்க்கவேண்டும். 

கண்களால் எனக்கு வெளியில் தெரிவதை பார்த்து , என் மனதில் தூண்டப்படும் நினைவுகளுக்கு நான் எதிர்செயல் செய்கிறேன் என்றால் கண்கள் எனக்கு பார்வை கொடுக்கிறதா அல்லது கண்கள் என்னை குருடாக்குகிறதா.

 வைராக்கியத்தின் முதல் பண்புகூரு - தெளிவு - உதயமாகும் பழைய எண்ணங்களின் பாதிப்பின்றி, என்  வெளி சூழலிலும் உள்  சூழலிலும் என்ன நடக்கிறதோ அதை அப்படியே கவனிக்கும் திறன்.

நான் என்னை பற்றியும், என் சூழலை பற்றியும்  முன்னர் எடுத்த முடிவுகள் அனைத்தையும் தள்ளிவைத்துவிட்டுட்டு , வாழ்க்கையை அணுகும் முறை.

ஒரு எளிய முறை, ஆரம்ப நிலை  பயிற்சி  உங்களுக்கு பரிச்சியமான ஒரு நபரின் புகை படத்தை பாருங்கள்.

என்னென்ன எண்ணங்கள் மற்றும் உணர்வுகள் வருகின்றன என்பதை பாருங்கள்.

நான் இந்த நபருடன் உறவாடும் பொழுது தூண்டப்படும் எண்ணங்களும் உணர்வுகளும், எங்கள் உறவை மேம்படுத்த உதவுகின்றதா அல்லது பாதிக்கின்றதா ?

இடையூறாக வரும் நினைவுகள் என் இலக்கை அடைய உதவுகின்றதா அல்லது இடையூறாக இருக்கின்றனவா ?

இலக்கை அடைய வேண்டும், அதுவும் சுலபமாக அடையவேண்டும் என்றால் ஒவ்வொரு நொடியும் என் உள் சூழலிலும் வெளி சூழலிலும் என்ன நடக்கிறது என்பதை துல்லியமாக கிரகிக்கும் தன்மையை உருவாக்க கற்க வேண்டும்.

சுதந்திரம் - பழையத்திலிருந்து விடுபடும் பொழுது அல்லவா ?

சுதந்திரம் - எனக்கு பிடித்ததை முழுமையாக உருவாக்கும் பொழுது அல்லவா ?

தினமும் இந்த பயிற்சியை ஐந்து நிமிடம் பயிலுங்கள்.

ஒரு பொருளை உங்கள் முன் வைத்து அந்த பொருளை மட்டும் பார்துக்கொண்டிருங்கள்.என்ன எண்ணங்கள் வருகின்றன?

எண்ணத்தை சற்று தள்ளிவிட்டு, பார்க்கும் பொருளை, உங்கள் மூச்சுக்காற்றின் கவனத்துடன் மட்டும் பாருங்கள்.

இந்த பயிற்சியை தினமும் ஐந்து நிமிடம் பயிலுங்கள்.வைராக்கிய தியானங்கள் - பதிவு செய்யுங்கள். தினமும் ஒரு தியானம் .